EasyPay, pjesëmarrëse në Forumin e parë të Biznesit SWIFT në Shqipëri. Shoqata Shqiptare e Bankave në bashkëpunim me SWIFT Austria dhe CIS organizuan Forumin e parë të Biznesit, Shqipëri 2014, i cili u ndoq nga përfaqësues të Bankës së Shqipërisë, bankave të nivelit të dytë në Shqipëri, Ministrisë së Financave, institucioneve financiare jo-banka, kompanive të shërbimeve etj . Ky forum prezantoi rëndësinë e organizimit të tij për herë të parë në Shqipëri, zhvillimin e sistemeve të pagesave në Shqipëri dhe zgjidhjet që SWIFT ofron për të gjithë partnerët. Qëllimi i forumit ishte të bashkonte komunitetin kombëtar dhe ndërkombëtar nga sistemi bankar, institucionet shtetërore, bankën qendrore, partnerët e teknologjisë dhe koorporatat e telekomunikacionit, për t’i dhënë formë të ardhmes së industrisë shqiptare të pagesave financiare.