Niveli 1 - Klient i thjeshtë

 

Në këtë nivel ndodhet çdo klient i cili:

• Ka kryer regjistrimin fillestar nëpërmjet platformave / aplikacionit EasyPay;
• Ka vendosur në dispozicion të gjithë të dhënat e nevojshme (përfshirë të dhënat identifikuese) si dhe dokumentacionin e nevojshëm, të cilat janë të detyrueshme për plotësim sipas Formatit të Regjistrimit për Përdorimin e Shërbimeve EasyPay;
• Ka lexuar dhe ka pranuar kushtet e kontratës TIP për shërbimet IPE të EasyPay;
• Është verifikuar nëpërmjet kontaktit me email ose telefon pas regjistrimit të kryer nga stafi i dedikuar EasyPay.

 

 

Niveli 2 – Klient standard

 

Në këtë nivel ndodhet:

• Çdo klient i Nivelit 1 që është identifikuar dhe verifikuar me prezencë fizike pranë një pike EasyPay si dhe ka nënshkruar dokumentin e kushteve të shërbimit duke përfshire miratimin nëpërmjet nënshkrimit të kontratës TIP të lexuar dhe pranuar paraprakisht gjatë krijimit të llogarisë IPE;
• Çdo klient i Nivelit 3 që ka kryer rimbushje të llogarisë me më shumë se 3 (tre) karta bankare të ndryshme në 6 (gjashtë) muajt e fundit ulet në Nivel 2;
• Çdo klient i Nivelit 3 për të cilin është marre vendim nga EasyPay per ndryshimin e kategorisë nga Niveli 3 në Nivelin 2.

 

 

Niveli 3 – Klient i avancuar

 

Në këtë nivel ndodhet:

• Çdo klient EasyPay i cili brenda një periudhe 6 (gjashtë) mujore nga data e regjistrimit si klient i Nivelit 2 ka mbushur llogarinë EasyPay me të njëjtën kartë bankare ose me dy të ndryshme dhe ka kryer një minimum prej 10 rimbushjesh llogarie EasyPay dhe ka kryer minimalisht 2 (transaksione) pagesash;
• Çdo klient i Nivelit 2 i cili brenda një viti kalendarik ka kryer pagesa me vlerë më të madhe ose baraz me 300,000 Lekë në total;
• Çdo klient i Nivelit 2 me miratim paraprak të EasyPay, i cili dërgon kërkesë me shkrim në kanalet zyrtare të komunikimit duke sqaruar në mënyre të arsyeshme nevojën për limite më të larta transaksionale.

 

 

 

 

Klient Ekspres

 

Në këtë nivel ndodhet çdo klient i cili:

• Ka përzgjedhur shërbimin “Ekspres” për pagesa vetëm të utiliteteve nëpërmjet jo më shumë se një kartë bankare të klasifikuar me nivel sigurie “3D secure”. (Përjashtohen nga ky shërbim të gjitha pagesat me karta virtuale);
• Ka kryer regjistrimin fillestar nëpërmjet platformës EasyPay të dedikuar për shërbimin ekspres;
• Ka vendosur në dispozicion të gjithë të dhënat e nevojshme (përfshirë të dhëna identifikuese);
• Ka lexuar dhe ka pranuar kushtet e shërbimit.

 

 

 

 

Klienti Biznes

 

Në këtë nivel ndodhet çdo klient biznes i tipit “Person Fizik” ose “Juridik”, SHA/SHPK i cili është identifikuar dhe verifikuar me presence fizike të përfaqësuesit ligjor pranë një pike EasyPay, ka paraqitur të gjithë informacionin dhe dokumentacionin e nevojshëm për hapjen e llogarisë biznes si dhe ka nënshkruar dokumentin e kushteve të shërbimit duke përfshire miratimin nëpërmjet nënshkrimit të kontratës TIP të lexuar dhe pranuar paraprakisht gjatë krijimit të llogarisë IPE.