Easypay Sh.P.K. me NIPT K61730019P dhe seli; Rruga Vëllezërit Hobdari, Godina Nr 15, Tiranë, është institucion i parasë elektronike i licensuar nga Banka e Shqipërisë e cila është kontrolluese e të dhënave që përpunohen në faqen zyrtare www.easypay.al dhe në Aplikacionin EasyPay (IOS dhe Android) dhe/ose përmes telefonit të shërbimit ndaj klientit si dhe çdo kanal tjetër që ne mund të vëmë në dispozicion, duke përfshirë ofrimin e shërbimeve të Easypay përmes palëve të treta. Në faqen zyrtare të EasyPay www.easypay.al dhe në aplikacionin EasyPay, në disa seksione si aplikimet për Punë ose ku ofrohen shërbime kërkohet nga përdoruesi që të plotësohen disa nga të dhënat personale. EasyPay për qëllime të ofrimit të shërbimit mbledhë të dhënat tuaja personale. Kjo vlen për informacionin e mbledhura në lidhje me vizitorët në faqen tonë, klientët, kandidatët për punësim dhe punonjësit tanë të tanishëm si dhe ish-punonjësit, individët e tjerë të cilët paraqesin kërkesa të ndryshme për marrje informacioni, etj.

EasyPay garanton kushtet e sigurisë për ruajtjen dhe përpunimin e mëtejshëm të këtyre të dhënave, në përputhje të plotë me parashikimet e ligjit nr. 124/2024 “Për Mbrojtjen e të Dhënave Personale” Përdoruesi konfirmon plotësimin dhe vërtetësinë e informacionit të dhënë dhe autorizon gjithashtu përpunimin e të dhënave.

Në këtë dokument përshkruhen mjetet e administrimit të aplikacionit EasyPay dhe faqes zyrtare të internetit në lidhje me trajtimin e informacionit dhe të dhënave personale të përdoruesve që vizitojnë ose perdorin aplikacionin ose faqen tone. Informacioni në këtë pikë u paraqitet në zbatim të Ligjit nr. 124/2024 “Për mbrojtjen e të dhënave personale” i subjekteve te te dhenave që përdorin shërbimet e EasyPay të ofruara nëpërmjet internetit.

1.TERMAT

• “Të dhëna personale” është çdo informacion në lidhje me një person fizik, të identifikuar ose të identifikueshëm, direkt ose indirekt, në veçanti duke iu referuar një numri identifikimi ose një a më shumë faktorëve të veçantë për identitetin e tij fizik, fiziologjik, mendor, ekonomik, kulturor apo social.
• “Të dhëna sensitive” janë kategori të veçanta të të dhënave personale, që zbulojnë origjinën racore ose etnike, mendimet politike, besimin fetar ose pikëpamjet filozofike, anëtarësimin në sindikata, të dhënat gjenetike, të dhënat biometrike, të dhënat për shëndetin, jetën ose orientimin seksual të një personi.
• “Të dhëna biometrike” janë të dhënat personale, që rezultojnë nga përpunimi teknik specifik i karakteristikave fizike, fiziologjike ose të sjelljes së një personi, të cilat bëjnë të mundur, ose konfirmojnë identifikimin unik të atij personi, siç janë imazhet e fytyrës ose gjurmët daktiloskopike;
• “Kontrollues” është personi fizik ose juridik dhe çdo autoritet publik, i cili, vetëm ose së bashku me të tjerët, përcakton qëllimet e mjetet e përpunimit të të dhënave personale. Për përpunimin e të dhënave personale, kontrolluesi është autoriteti kompetent, i cili, vetëm ose së bashku me të tjerët, përcakton qëllimet dhe mjetet e përpunimit të të dhënave personale.
• “Subjekt i të dhënave” është çdo person fizik i identifikuar ose i identifikueshëm. Një person është i identifikueshëm nëse mund të arrihet në identifikimin e tij, duke iu referuar drejtpërdrejt ose tërthorazi një apo disa faktorëve identifikues të veçantë, si: emri, numri i identifikimit, të dhënat për vendndodhjen, një identifikues në internet, ose një apo më shumë faktorëve specifikë,lidhur me identitetin e tij fizik, fiziologjik, identitetin gjenetik, mendor, ekonomik, kulturor ose shoqëror;
• “Përpunues” është personi fizik ose juridik dhe çdo autoritet publik, i cili përpunon të dhëna personale për llogari të kontrolluesit;
• “Përpunim i të dhënave personale” “Përpunim” është çdo veprim ose një grup veprimesh, që kryhet mbi të dhënat personale ose grupe të dhënash personale, pavarësisht nëse kryhen me mjete të automatizuara ose jo, të tilla, si: mbledhja, regjistrimi, organizimi, strukturimi, ruajtja, përshtatja ose ndryshimi, rikthimi, konsultimi, përdorimi, përhapja me anë të transmetimit,shpërndarjes ose vënies në dispozicion në ndonjë mënyrë tjetër, lidhja ose kombinimi, kufizimi, fshirja ose shkatërrimi;
• “Marrës” është personi fizik ose juridik dhe çdo autoritet publik, të cilit i janë përhapur ose vënë në dispozicion të dhënat personale, qoftë ky një palë e tretë ose jo;
• “Palë e tretë është çdo person fizik ose juridik dhe çdo autoritet publik, me përjashtim të subjektit të të dhënave, kontrolluesit, përpunuesit apo personave, i cili, nën autoritetin e drejtpërdrejtë të kontrolluesit ose të përpunuesit, është i autorizuar të përpunojë të dhëna personale; “
• “Pëlqim” është çdo element tregues i vullnetit të subjektit të të dhënave, i dhënë lirisht, i informuar dhe i qartë, nëpërmjet të cilit ai, me anë të një deklarate ose me çdo lloj shfaqjeje tjetër të padyshimtë pohuese të vullnetit, shpreh dakordësinë për përpunimin e të dhënave personale, që lidhen me të për një ose më shumë qëllime specifike
• “Agjent” është një person fizik tregtar ose juridik, i cili vepron në emër dhe për llogari të EasyPay
• “Autentifikim” është procedura që i mundëson ofruesit të shërbimeve të pagesave verifikimin e identitetit të një përdoruesi të shërbimit të pagesës ose vlefshmërisë së përdorimit të një instrumenti specifik pagese, duke përfshirë edhe përdorimin e të dhënave të personalizuara të sigurisë së përdoruesit.
• “Të dhëna të personalizuara të sigurisë” janë elemente të personalizuara të mundësuara nga ofruesi i shërbimit të pagesave për përdoruesin e shërbimit të pagesave, për qëllime autentifikimi.
• “Transaksion pagese në distancë” është një transaksion pagese i iniciuar nëpërmjet internetit ose një pajisjeje që mund të përdoret për komunikim në distancë.
• ‘‘Sistem arkivimi” është çdo grup i strukturuar i të dhënave personale, i cili është i aksesueshëm në bazë të kritereve specifike dhe që mund të jetë i centralizuar, i decentralizuar ose i shpërndarë në mënyrë funksionale, ose gjeografike.

2.PARIMET E E PËRPUNIMIT TE TË DHËNAVE PERSONALE

Easypay perpunon te dhenat personale duke respektuar parimet si më poshtë vijon:

• Parimi i ligjshmërisë, i drejtësisë dhe i transparencës,- përpunimi kryhet në mënyrë të ligjshme, të drejtë e transparente kundrejt subjektit të të dhënave.

• Parimi i minimizimit të të dhënave, – të dhënat personale janë të përshtatshme e të nevojshme për qëllimin e përpunimit dhe të kufizuara në masën që është e nevojshme për realizimin e qëllimit.
• Parimi i saktësisë së të dhënave, – të dhënat personale janë të sakta e të përditësuara kur kjo është e nevojshme, si dhe, në përputhje me qëllimin e përpunimit, ndërmerren të gjithë hapat e nevojshëm për fshirjen e korrigjimin e menjëhershëm të të dhënave të pasakta ose të paplota.
• Parimi i kufizimit të ruajtjes në kohë, – të dhënat personale mbahen në njëformë që lejon identifikimin e subjekteve të të dhënave për një periudhë jo më të gjatë sesa është e nevojshme për qëllimin për të cilin ato përpunohen. Të dhënat personale mund të ruhen për periudha më të gjata, me kusht që ato të përpunohen vetëm për qëllime arkivimi në interesin publik, qëllime kërkimore, shkencore apo historike ose qëllime statistikore, duke zbatuar masat e duhura teknike dhe organizative për të mbrojtur të drejtat e liritë e subjektit të të dhënave.
• Parimi i integritetit dhe i konfidencialitetit, – të dhënat personale përpunohen në mënyrë të tillë që të garantohet siguria e nevojshme e të dhënave personale, duke përfshirë mbrojtjen nga përpunimi i paautorizuar ose i paligjshëm dhe humbja, shkatërrimi ose dëmtimi aksidental, nëpërmjet përdorimit të masave të duhura teknike dhe organizative.
• Parimi i përgjegjshmërisë, – kontrolluesi është përgjegjës dhe duhet të jetë në gjendje të provojë përputhshmërinë me parimet e parashikuara në këtë nen.

3.PËRPUNIMI I TË DHËNAVE PERSONALE

Përpunimi i të dhënave personale në lidhje me shërbimet që ofrohen nëpërmjet faqes zyrtare të internetit ose aplikacionit EasyPay menaxhohen nga stafi teknik i sektorit përgjegjës në Departamentin e IT si dhe personat përgjegjës për përpunimin e të dhënave brënda EasyPay. Asnjë informacion që rezulton nga shërbimi nëpërmjet internetit ose aplikacionit nuk komunikohet ose shpërndahet përveç rasteve kur informacioni kërkohet nga organet kompetente që e fitojnë këtë të drejtë me ligj të veçantë duke respektuar kërkesat e Ligjit nr124/2024 “Për mbrojtjen e të dhënave personale’’.

Të dhënat personale që japin klientet/përdoruesit, përdoren vetëm për qëllimin e ofrimit të shërbimit ose për plotësimin e kërkesës dhe i komunikohen ofruesit të sherbimit/perpunuesve dhe palëve të treta, vetëm nëse nevojiten për këtë qëllim, duke respektuar kërkesat e ligjit.

Punonjësit e EasyPay i nënshtrohen detyrimit për të ruajtur konfidencialitetin e informacionit i cili i jepet këtij të fundit për të ushtruar funksionet e tij në bazë Ligjit, dhe mund t’ua përhapë atë vetëm autoriteteve të ligjshme.

EasyPay në cdo rast vlerëson integritetin e punonjësve të rinj përpara se ata të punësohen.

EasyPay monitoron në mënyrë të vazhdueshme akseset dhe mënyrën e përpunimit të të dhënave personale që ajo kontrollon për tu siguruar për integritetin dhe konfidencialitetin e tyre.

4.KATEGORITE E SUBJEKTEVE TË TË DHËNAVE QË PËRPUNOHEN

Easypay do te përpunoje të dhënat personale te subjekteve bazuar në kuadrin ligjor në fuqi nëse :

1. Subjekti i të dhënave e ka dhënë pëlqimin për përpunimin e të dhënave të tij / të saj personale për një ose më shumë qëllime specifike. Në rast të tillë, përpunimi i të dhënave personale lejohet në bazën ligjore të pëlqimit tuaj, që është i revokueshëm në çdo kohë. Ju mund ta tërhiqni pëlqimin tuaj nëpërmjet të njëjtës form siç keni dhënë pëlqimin ose përmes kanaleve tona të kontaktit pa pagesë. Tërheqja e pëlqimit nuk cenon ligjshmërinë e përpunimit të bazuar në pëlqimin përpara tërheqjes së tij.

Easypay përdor të dhënat personale të kategorive të subjekteve të të dhënave personale (klientë, punëmarrës, kandidatë për punë, Agjentë, Partnerë në ofrimin e shërbimeve, etj), dhe i mbajmë ato me qëllim që të ofrojmë shërbimin ndaj subjektit të të dhënave ose për respektimin e marrëveshjeve mes palëve si dhe për rastet e kërkuara nga subjekti i të dhënave për qëllime të tjera të lidhura ngushtë me ofrimin e shërbimit.

Të dhëna personale do të mblidhen dhe përpunohen, ruhen në zbatim të legjislacionit: Ligji për Sherbimet e Pagesave, Kuadri rregullator per Institucionet e Parase Elektronike, Ligjit për Parandalimin e Pastrimit të Parave dhe Financimit të Terrorizmit, Ligji Për mbrojtjen e të dhënave personale dhe të tjera aktet ligjore të zbatueshme.

Faqja zyrtare e internetit dhe aplikacioni EasyPay marrin të dhena në kuadrin e operimit të zakonshëm transmetimi i të cilave ndodh gjatë përdorimit të protokolleve të komunikimit nëpërmjet internetit.

Në faqen zyrtare të internetit dhe aplikacionin EasyPay nuk përfshihen lidhjet me faqet e tjera dhe të dhënat që këto të fundit mbledhin ose përpunojnë. Në momentin që ju ndodheni në një faqe ose aplikacion tjetër ju këshillojmë të lexoni deklaratat e privatësisë të faqeve dhe aplikacioneve respektive.

Aksesi në aplikacionin EasyPay në cdo rast kryhet përmes kredencialeve të krijuar nga vetë klienti në momentin e regjistrimit (username, password) si një sistem i cili përpunon të dhëna personale dhe të dhëna të tjera financiare të karakterit konfidencial. Për shërbime pagesash të vecanta klientit mund ti kërkohet procesimi i pagesave pas inputimit të kredencialeve që disponon në zbatim të kuadrit ligjor në lidhje me sigurinë e përpunimit të të dhënave dhe sigurisë kibernetike.

EasyPay në asnjë rast nuk mbledh të dhëna si gjurmë gishtash, face ID të përdorura për akses nëpërmjet pajisjeve elektronike të komunikimit në distancë. Këto të dhëna përpunohen dhe regjistrohen vetëm në pajisjen tuaj elektronike.

Të dhënat personale të shërbimeve elektronike ruhen në sisteme me standart të lartë sigurie të certifikuara sipas standarteve ndërkombëtare ISO.

EasyPay përpunon të dhënat personale të përdoruesit dhe të personave të autorizuar për qëllime të ofrimit të shërbimeve të pagesave ose shërbimeve ndihmëse ose shërbimet e informimit.

Të dhënat që jepen me dëshirë nga përdoruesi në faqe ose në aplikacion, të gjitha email-et fakultative, eksplicite dhe të dërguara me dëshirë në adresat e specifikuara, përfshin marrjen në vijim të adresës së dërguesit që nevojitet për t’ju përgjigjur kërkesave si dhe për çdo të dhënë tjetër personale që përmban email-i.

Përdorimi i të dhënave personale për të dërguar materiale reklamimi ose informacion komercial për shitjen e produkteve ose shërbimeve nga EasyPay kërkon pëlqimin paraprak të subjektit të të dhënave. Nëpërmjet përdorimit të aplikimit ose miratimit të kushteve të përdorimit ose “cookies” ose nënshkrimit të kontratës së bashkëpunimit me EasyPay, ju jepni pëlqimin tuaj në lidhje me përpunimin e mëtejshëm të të dhënave duke pasur mundesinë që nëpërmjet një linku ose funksionaliteti të dedikuar ose përmes kërkesës zyrtare pranë EasyPay të ç’rregjistoheni në rast se nuk keni dëshirë të informoheni me tej, të përdorni shërbimin ose të jeni klient i EasyPay. Në këto EasyPay ju garanton fshirjen e cdo të dhëne që ju përket dhe që nuk është detyrim ligjor për ruajtje ose arkivim.

Për individet që aplikojnë për t’u punësuar pranë EasyPay, ne përdorim informacionin e tyre për proçesin e aplikimit dhe për të monitoruar statistikat e rekrutimit. Kur ne duam ti përhapim të dhënat një pale të tretë, për shembull, kur ne duam të marrin një referencë, ose të marrim disa të dhëna nga institucione të tjera përkatëse, ne nuk e bëjmë këtë, pa i informuar subjektet e te dhenave më parë, vetëm nëse ky informacion është i kërkuar me ligj. Të dhënat personale në lidhje me aplikantët të cilët nuk përzgjidhen në procesin e rekrutimit ruhen deri në përfundimin e afatit të përcaktuar në legjislacionin në fuqi, më pas shkatërrohen ose fshihen. Ne mbajmë informacion të pa personalizuar për qëllime statistikore në lidhje me aplikantët, për të ndihmuar aktivitetet tona të rekrutimit, por asnjë aplikant nuk është i identifikueshëm nga këto të dhëna.

Për individet që janë të punësuar pranë EasyPay, ne mbajmë të dhëna personale që janë të nevojshme vetëm për qëllimin e punësimit dhe jo më shumë. Këto të dhëna mbahen në ambiente me standarte të larta sigurie si edhe në sisteme kompjuterike në përputhje me ligjin dhe rregullat tona të brëndshme. Kur një punonjës nuk është më në raporte pune me EasyPay, përgatisim një dosje në lidhje me periudhën gjatë së cilës ai ka qenë i punësuar.

Të dhënat e përfshira në të mbahen të sigurta dhe përdoren vetëm për qëllime me rëndësi të drejtpërdrejtë mbi punësimin e personit deri në perfundimin e afatit të përcaktuar me ligj dhe më pas të dhënat shkatërrohen.

5.CFARË TË DHËNASH PERSONALE MBLEDHIM

Ne përpunojmë të dhënat tuaja personale në lidhje me identitetin tuaj si dhe të dhëna të tjera të nevojshme për ofrimin e shërbimeve të pagesave ose shërbimeve ndihmëse.

Pa aprovimin për përdorimin e këtyre të dhënave ne nuk do të mundeshim të ofronim shërbimet EasyPay. Nëqoftëse nuk ndani me ne të dhëna identifikuese, ne e kemi të pamundur të hyjmë në një marrëdhënie biznesi ose shërbimi me Ju pasi këto të dhëna përvec ofrimit të shërbimit kërkohen në zbatim të kuadrit ligjor. EasyPay gjithashtu përpunon të dhëna për qëllime marketingu, sigurie fizike dhe/ose qëllime analitike, për të qënë në gjendje të ofrojë produkte dhe shërbime të një cilësie të lartë bazuar në interesin ose pëlqimin tonë legjitim, cilado qoftë i zbatueshëm për atë aktivitet specifik të përpunimit.

Kategoritë më poshtë të të dhënave personale mund të mblidhen nga EasyPay në varësi të tipit të marrëdhënies (Ju jeni një klient potencial, klient apo palë kontraktuese).

Informacion personal –Emër, Mbiemër, Datelindja, Gjinia, Numri personal i identifikimit/Numri Dokumentit të Identifikimit, Vendlindja, Kombësia dhe Shtetësia, Numra dhe Adresa kontakti ,e-mail, Adresa e Vendbanimit, një fotografi e fytyrës, foto e drejtëpërdrejtë gjatë regjistrimit , të dhënat e dokumentit të identifikimit( barkod I dokumentit, data e lëshimit, data e skadimit , autoriteti qe e ka leshuar dhe një kopje të dokumentit,( Adresa IP, Profesioni, dhe targa automjetesh apo të dhëna historike në ruajtje pranë nesh në kuadër të marrëdhënies së vazhduar dhe te kerkuara nga aktet rregullatore si edhe të dhëna të tjera të kërkuara nga aktet ligjore që rregullojnë Parandalimin e Pastrimit të parave dhe financimit të terrorizmit ,.

Informacion mbi pajisjen– kur regjistroheni në aplikacionin celular EasyPay mbledh dhe përpunon të dhënat e mëposhtme nga Pajisja e Përdoruesve, për regjistrimin dhe përdorimin e aplikacionit: përdorimi i gjurmës së gishtit, aksesi në vendndodhjen e saktë, kamerën, lexo dhe shkruan memorien e jashtme, lexon Listën e Kontakteve të Telefonit të përdoruesit, marka e pajisjes, modeli i pajisjes dhe sistemi operativ i pajisjes. Të gjitha të dhënat personale të përdoruesve do të mblidhen dhe përpunohen më tej ekskluzivisht për qëllime të regjistrimit dhe ofrimit të aplikacionit EasyPay I cili eshte nje portofol elektronik (“Aplikacioni”). EasyPay do të përdorë të dhënat personale të përdoruesve vetëm për qëllimin e ofrimit të shërbimeve të aplikacionit për përdoruesit, po ashtu përdoruesit që përdorin aplikacionin.

Dokumentacioni – Lloji i dokumentit të identifikimit Tuaj, vendi që e ka lëshuar, numri, data e skadencës, informacion i përfshirë në barcode-in e dokumentave. Dokumentacion ligjor mbi regjistrimin e subjekteveve si dhe dokumentacion shtese të identifikimit ose marrëdhënieve tregtare ose të biznesit me

pale të treta si cdo dokumenteacion tjetër të paraqitur nga ana juaj për qëllime të shërbimit të pagesave ose shërbimeve ndihmëse.

Të dhëna identifikuese ekonomike – Numrin e klientit ose kodin e përdoruesit në aplikacionin EasyPay, numri unik i Kontratës së Kredisë ose një numër marrëveshje gjeneruar përmes mbylljes së një marrëveshje kredie për shërbimet e pagesave, të dhëna të mbledhura përmes monitorimit të vazhdueshëm në kuadër të kërkesave të Njih Klientin Tënd,dhe Vigjilences se duhur ne vijimesi të dhëna dhe detaje të kartës suaj të debitit apo kreditit (në rast se ju zgjidhni të kryeni pagesa përmes debitimit direkt), numri i llogarisë bankare apo informacion tjetër bankar apo pagesash në lidhje me transaksionin bërë në favor të Shoqërisë. Detaje të transaksioneve dhe historiku, Statusi FATCA/CRS dhe numri TIN.

Analiza statistikore- Të dhënat tuaja personale mund të përpunohen për qëllime të analizave statistikore. Mbledhja e të dhënave tuaja personale për qëllime të analizave statistikore bazohet në interesin legjitim për të analizuar, përmirësuar dhe zhvilluar aktivitetin e kryer. Subjekti i te dhenave ka të drejtë të mos pajtohet dhe të kundërshtoje përpunimin e të dhënave personale për këtë qëllim në çdo kohë dhe në çfarëdo forme duke informuar Easypay për këtë. Sidoqoftë, Easypay mund të vazhdojë të përpunojë të dhënat për qëllime statistikore, nëse vërteton se të dhënat përpunohen për arsye legjitime përtej interesave, të drejtave dhe lirive të subjektit të të dhënave, ose për krijimin, ushtrimin, ose mbrojtjen e pretendimeve ligjore.

Përmirësimi i shërbimit- Të dhënat e mbledhura mund të përdoren për të përmirësuar instrumentet teknike dhe organizative, infrastrukturën e IT, përshtatjen e shërbimeve me pajisjet e përdorura, zhvillimin e shërbimeve të reja , rritjen e kënaqësisë me shërbimet ekzistuese, si dhe testimi dhe përmirësimi i instrumenteve teknike dhe infrastrukturës së IT.

Te dhenat per shendetin- Te dhenat perpunohen për përmbushjen e një detyrimi ose të drejte specifike të EasyPay ose të subjektit të të dhënave në fushën e punësimit, ose të sigurimeve shoqërore dhe të mbrojtjes sociale, në përputhje me legjislacionin në fuqi në këto fusha.

CCTV – Imazhe nga kamerat e sigurisë në dhe rreth hapësirës së kompanise për qëllime sigurie.perpunohen per te zvogëluar dhe ose parandaluar rreziqet dhe dëmtimin për ju si dhe ne dhe mbrojmë interest tuaja dhe tona dhe do te ruhen sipas afateve te percaktuar ne ligj dhe aktet nenligjore.

Telefonatat –Gjate kontaktimit te subjekteve te te dhenave nepermjet telefonit, biseda do të regjistrohet për qëllime sigurie dhe si dëshmi për të mundësuar vërtetimin e kërkesave kontraktuale dhe për të parandaluar dhe zbuluar sjellje mashtruese. Regjistrimet telefonike do të ruhen për sa kohë të nevojshme për arsye sigurie dhe dëshmuese

Marketingu i drejtperdrejte -Përdorimi i të dhënave personale për të dërguar materiale reklamimi ose informacion komercial për shitjen e produkteve ose shërbimeve nga Easypy kërkon pëlqimin paraprak të subjektit të të dhënave.Nepermjet perdorimit te aplikimit ju jepni pelqimin tuaj ne lidhje me perpunimin e metejshem te te dhenave duke pasur mundesine qe te kerkoni anullimin e marrjes se ketyre informacioneve ne cdo moment ne rast se nuk keni deshire te informoheni me tej e te njeten forme sic keni dhene pelqimin ose përmes kanaleve tona të kontaktit pa pagesë. Tërheqja e pëlqimit nuk cenon ligjshmërinë e përpunimit bazuar mbi këtë pëlqim, përpara tërheqjes së tij.

Cookies në faqen tonë të internetit perdoren për të përmirësuar përvojën e përdoruesit, për të mundësuar funksionalitetin thelbësor, për të analizuar përdorimin e faqes dhe për të ofruar përmbajtje dhe reklama të personalizuara. Subjekti I te dhenave mund të japin ose tërheqin pëlqimin përmes banderolës së menaxhimit të cookies.

Për përpunimin e të dhënave personale, Easypay mund të angazhojë përpunues të të dhënave dhe/ose, me gjykimin e vet, të punësojë persona të tjerë për të kryer funksione të caktuara ndihmëse në emër të Easypay(p.sh. qendrat e të dhënave, pritja, pritja në cloud, administrimi i sistemit, zhvillimi i sistemit, programi kompjuterik, zhvillimi, ofrimi, shërbimet mbështetëse siç janë përmirësimi dhe zhvillimi; shërbimet e qendrave të shërbimit ndaj klientit; marketing, komunikim, këshillim, staf të përkohshëm, ose shërbime të ngjashme). Në raste të tilla,Easypay do të marrë masat e nevojshme për të siguruar që përpunuesit e të dhënave të përpunojnë të dhënat personale në përputhje me udhëzimet e Easypay dhe ligjet në fuqi dhe të respektojnë e masat e duhura të sigurisë personale të të dhënave duke ruajtur konfidencialitetin dhe nuk do të mund të përdorin informacione të tilla për ndonjë qëllim tjetër përveç kryerjes së funksioneve të tyre.

6.MËNYRAT E PËRPUNIMIT TË TË DHËNAVE PERSONALE

Të dhënat personale të subjekteve përpunohen në menyrë elektronike dhe fizike në përputhje të plotë me masat e sigurisë të përcaktuara në dispozitat e ligjit nr124/2024 “Për mbrojtjen e të dhënave personale.

EasyPay mbron të dhënat në ambiente dhe sisteme të sigurta deri në përfundimin e afatit të përcaktuar në Udhëzimet Komisioneri për të Drejtën e Informimit dhe Mbrojtjen e të Dhënave Personale përveç rasteve kur legjislacioni në fuqi e parashikon ndryshe, më pas të dhënat shkatërrohen. Në çdo rast, të dhënat personale përpunohen për aq sa është e nevojshme që Easypay të kryejë detyrimet e saj për qëllimin për të cilin janë marrë të dhënat personale, ose ashtu si kërkohet nga kuadri i zbatueshem ligjor I posacem dhe aktet rregullative.

Ne sigurojmë një mënyrë të përshtatshme të sigurt, të ndershme dhe të ligjshme të përpunimit të të dhënave tuaja personale.

7.AKSESI NË TË DHËNAT PERSONALE

EasyPay në zbatim të kuadrit ligjor i jep akses individëve në të dhënat e tyre personale. Individët mund të identifikojnë nëse ne mbajmë ndonjë të dhënë personale, duke dërguar një “kërkesë për akses tek të dhënat personale” dhe në bazë të Ligjit nr. 124/2024 “Për mbrojtjen e të dhënave personale ” brenda një afati prej 30 ditesh nga data e marrjes së kërkesës EasyPay ju informon mbi të dhënat ose ju shpjegojmë arsyen e mosdhënies se informacionit.

Nëse ne mbajmë të dhënat tuaja personale, ne do ju bëjmë me dije se përse ne i mbajmë ato, do tju tregojmë se ku mund të transferohen këto të dhëna, do ju japim një përshkrim të tyre dhe nese eshte e mundur në një formë të kuptueshme do ju japim një kopje të informacionit dhe tju shpjegojme se dhenie e te dhenave personale eshte e detyrueshme apo vullnetare.

Për çdo të dhënë personale që ne mund të mbajmë, si edhe mbi informacion mbi çdo të drejtë që ju në cilësinë e subjektit të të dhënave gëzoni në përputhje me Ligjin Nr. 124/2024 “Për Mbrojtjen e të Dhënave ju lutem të mos hezitoni të na kontaktoni në adresat e kontaktit të EasyPay. Gjithashtu ju mund të kontaktoni direkt me Komisionerin për mbrojtjen e të Dhenave Personale ose mund të informoheni mbi parashikemet e kuadrit ligjor në faqen zyrtare të komisionerit https://www.idp.al/.

8.TË DREJTAT E SUBJEKTIT TË TË DHËNAVE PERSONALE

Individët, të dhënat personale të të cilëve përpunohen, gezojne disa te drejta ne perputhje me Ligjin nr.124/2024 “Për Mbrojtjen e të Dhënave Personale,

1. “E drejta për informim”- duke siguruar që informacioni i kërkuar, të jepet në një formë koncize, transparente, të kuptueshme dhe lehtësisht të aksesueshme, veçanërisht kur informacioni u drejtohet të miturve;
2. “E drejta e aksesit”- sigurohet duke ofruar mundësinë që të marrë nga Easypay një kategori më të gjerë informacioni, nëse të dhënat e tij personale janë duke u përpunuar;
3. “E drejta për korrigjim dhe fshirje”, – e drejta e kekreses per korrigjim të të dhënave të pasakta personale që lidhen me të sa më shpejt të jetë e mundur, por jo më vonë se 30 (tridhjetë) ditë nga data e marrjes së kërkesës.
4. E drejta për t’u harruar” Me kërkesën e subjektit të të dhënave, Easpay eshte i detyruar të fshij nga rezultatet që shfaqen pas një kërkimi të kryer në bazë të emrit të subjektit të të dhënave informacionin, i cili nuk është më aktual me kalimin e kohës, por që, kur gjendet, ka një ndikim negativ të konsiderueshëm në reputacionin e subjektit të të dhënave.
5. “ E drejta për të kufizuar përpunimin e të dhënave” e drejt për kufizimin e përpunimit të të dhënave nga Easypay kur ekziston shkaqet e percaktuara ne nenin 17 dhe 21 te ligjit nr.124/2024 duke specifikuar konkretisht arsyet e mundshme për “kufizimin” e përpunimit.
6. E drejta për transferueshmërinë e të dhënave” synon t’i ofrojë mundësinë subjektit të të dhënave për të transferuar, kopjuar ose transmetuar lehtësisht të dhënat personale nga një kontrollues te një kontrollues tjetër për qëllime të caktuara, në një format të strukturuar, të përdorur gjerësisht dhe të lexueshëm nga pajisjet.
7. “E drejta për të kundërshtuar”- e drejta per të kundërshtuar në çdo kohë për arsye që lidhen me situatën e tij të veçantë përpunimin e të dhënave personale në lidhje me të.
8. “E drejta për të mos iu nënshtruar vendimmarrjes automatike” – e drejta të mos jetë subjekt i një vendimi që bazohet vetëm në përpunimin automatik të të dhënave, përfshirë profilizimin, i cili shkakton pasoja ligjore ose pasoja të ngjashme të rënda mbi të.
9. “E drejta për t’u ankuar” – Pavarësisht mjeteve të tjera ligjore në dispozicion, administrative ose gjyqësore, çdo subjekt i të dhënave që pretendon se përpunimi i të dhënave të tij personale kryhet në shkelje të ligjit nr.124/2024, ka të drejtë të paraqesë ankim pranë Komisionerit, i cili e shqyrton atë në përputhje me dispozitat e Kodit të Procedurës Administrative dhe ligjit nr.124/2024.

9.SIGURIA E TË DHËNAVE PERSONALE QË PËRPUNOHEN

EasyPay përpunon të dhënat personale të kategorive të subjekteve të të dhënave personale me qëllim kryerjen e veprimtarisë së saj dhe detyrave të saj statutore në perputhje me legjislacionin në fuqi dhe rregullave të brëndshme. Kjo mund të përfshijë edhe informacione konfidenciale për kategoritë e subjekteve të të dhënave që përpunohen. EasyPay mbetet e angazhuar për të siguruar përdorimin e te dhenave te subjekteve dhe informacionin e sistemeve të teknologjisë me qëllim ruajtjen e integritetit dhe konfidencialitetit të informacionit nën kontrollin e saj.

EasyPay përdor një qasje të bazuar në risk, gjatë vlerësimit dhe të kuptuarit të rreziqeve si dhe përdor të gjitha mjetet fizike të personelit, teknike dhe proçedurale për të arritur masat e duhura të sigurisëdhe për të siguruar një nivel sigurie të përshtatshëm ndaj rrezikut, duke përfshirë, ndër të tjera, kur është e zbatueshme:

1. pseudonimizimin dhe enkriptimin e të dhënave personale
2. aftësinë për të garantuar konfidencialitetin, integritetin, disponueshmërinë dhe qëndrueshmërinë e sistemeve dhe të shërbimeve të përpunimit;
3. aftësinë për të rivendosur disponueshmërinë dhe aksesin në të dhënat personale brenda një kohe të arsyeshme në rast incidenti fizik ose teknik;
4. një proces për testimin, shqyrtimin dhe vlerësimin e rregullt të efikasitetit të masave teknike dhe organizative për të garantuar sigurinë e përpunimit

Të gjithë punonjësit e EasyPay i nënshtrohen detyrimit për të ruajtur konfidencialitetin e informacionit i cili i jepet atyre për të ushtruar funksionet e tyre në bazë të përshkrimit të punës, dhe mund t’ua përhapë atë vetëm autoriteteve të ligjshme. EasyPay vlerëson integritetin e tyre përpara se ata të punësohen. EasyPay monitoron pajtueshmërinë e tyre mbi detyrimet e tyre në lidhje me sigurinë e informacionit. Punonjesit e EasyPay sipas deklaratës së konfidencialitetit të nënshkruar prej tyre mbajnë pergjegjesi ligjore, civile dhe penale, si dhe detyrohen të ruajnë konfidencialitetin e informacionit edhe pas mbarimit të marrëdhënies së punësimit.

Nëpërmjet aksesit në faqen e internetit ose në Aplikacionin EasyPay, ju konfirmoni se keni lexuar dhe pranuar kushtet e përdorimit të parashikuara në të.

10.SI TË NA KONTAKTONI

Kërkesat për informacion në lidhje me politikën tonë të privatësisë mund të dërgohen me e-mail në adresën info@easypay.al si edhe të paraqiteni pranë sporteleve të degëve ose agjentëve EasyPay në të gjithë Shqipërinë.