Linda Shomo është themeluese dhe CEO e EasyPay, një platformë elektronike pagesash në Shqipëri. Linda ka një eksperiencë të provuar në drejtim dhe mbi 23 vite eksperiencë në teknologji dhe informacion, 17 prej të cilave në sektorin financiar. Përpara se të themelonte EasyPay, Linda ka mbajtur role menaxhimi IT në institucione të ndryshme globale si American Bank of Albania, Western Union, First Data International etj. Ajo është një prej femrave të pakta themeluese dhe drejtuese në sektorin FinTech në Ballkan.
Ardit Mero është zëvendës drejtues ekzekutiv në EasyPay dhe vjen nga një eksperiencë e pasur në sektorin IT. Në një periudhë të shkurtër, Arditi arriti të fillojë karrierën e tij si specialist IT në EasyPay duke u promovuar më pas në pozicionin aktual si pjestar i stafit menaxhues, gjë që pasqyron një shembull frymëzues për të rinjtë në vend. Ai është gjithashtu një nga fituesit e Imagine Cup Microsoft Albania 2013 dhe është i diplomuar me master shkencor në Inxhinieri Informatike.
Endri Kote është Drejtor i Operacioneve i cili i është bashkuar skuadrës EasyPay. Ai vjen nga një eksperiencë disa vjeçare në sektorin financiar, ku karrierën e tij e filloi në vitin 2010 si analist financiar e më pas në pozicione drejtuese në Autoritetin e Mbikëqyrjes Financiare si dhe ka mbuluar pozicione kyçe në disa Banka ndërkombëtare në Shqipëri.
I diplomuar në Universitetin e Bolonjës Bachelor në "Biznes dhe Ekonomi" dhe Master në "Administrim Biznesi", aktualisht po kryen studimet e programit të Integruar “Master i Shkencave në Drejtësi”, rritja e tij ka qenë gjithmonë e bazuar në etikë dhe profesionalizëm ku tani ështe edhe pjesë e stafit tonë manaxhues!
Marjo Deda është drejtuesi i shitjeve në EasyPay. Karrierën në EasyPay, Marjo e nisi në 2012 si menaxher shitjesh dhe nga 2016 ai mban pozicionin e drejtuesit të shitjeve. Marjo vjen nga një përvojë e gjatë në menaxhimin e shitjeve dhe në industrinë e telekomunikacionit. Ai mban një diplomë në Marrëdhënie me Publikun nga një universitetet jo publik në Shqipëri.
Jonida (Këllezi) Cako është drejtuesja e marketingut në EasyPay. Ajo vjen nga një përvojë e gjatë në botën akademike, si lektore dhe si menaxhere e departamentit të marketingut dhe komunikacionit të një universiteti jo publik në Shqipëri si dhe nga eksperienca të mëparshme me agjensi komunikacioni dhe startup-e. Jonida mban titullin Doktor e Shkencave Ekonomike nga një universitet jo publik në Shqipëri dhe studimet BA dhe MA nga Universiteti i Sheffield.
Lisandër Cuedari është drejtues i departamentit IT në EasyPay.
