Çmimi ‘World Business Leader’

EasyPay Albania është shpërblyer nga Konfederata Botërore e Bizneseve si “World Business Leader” duke qenë një lidere e suksesshme e cila punon në mënyrë inovative, të ditur dhe sistematike.

Konfederata Botërore e Bizneseve promovon praktikat më të mira të biznesit në manaxhim, përgjegjësi sociale të korporatave, cilësi e produktit dhe shërbimit, trajnim i punonjësve dhe etika e biznesit. Ajo u themelua më 9 shtator 2004, në qytetin e Hjustonit, Texas, në Shtetet e Bashkuara të Amerikës.

Vizioni fillestar i themeluesve të WORLDCOB ishte krijimi i një organizate ndërkombëtare biznesi që do të bashkonte ato kompani që ishin udhëheqëse në fushat e tyre, duke u përpjekur çdo ditë për të nxitur rritjen e ekonomisë në vendet e tyre dhe në botë dhe duke i bërë ato modele që duhen ndjekur. Kjo është arsyeja përse u krijua çmimi ndërkombëtar i biznesit Bizz. Ai ofron një gamë të gjerë përfitimesh për të ndihmuar në zhvillimin e këtyre kompanive.

Momentalisht, misioni parësor i WORLDCOB është promovimi i zhvillimit të biznesit në të gjithë botën, duke ndihmuar  rritjen e bizneseve dhe biznesmenëve kryesorë në çdo vend përmes mjeteve dhe shërbimeve të veçanta që i ofron anëtarëve të saj. Ajo ka mbi 3.000 anëtarë, që përfaqësojnë më shumë se 100 vende.

Ky çmim ishte me siguri një surprizë e bukur për EasyPay Albania dhe na inkurajon të vazhdojmë angazhimin tonë me përkushtim dhe vendosmëri.